Линкови за пристапност

Свети Патрик во САД – празник на ирските имигранти, но и на сите кои се чувствуваат Ирци на овој ден


Денес во САД се слави Свети Патрик, празник на имигрантите од ирско потекло, иако, како што вообичаено се вели — секој е Ирец на овој ден.

Жителите на Вашингтон го прославуваат Свети Патрик во кругот на семејството и пријателите уште од почетокот на 19-от век. Традиционалната парада, пак, по првпат се одржа во 1972-ра година.

Две третини од населението во Вашингтон е од афро-американско потекло, но голем дел имаат ирско потекло.

Иако Вашингтон никогаш не привлече толку голем број на ирски доселеници како другите градови од источното американско крајбрежје - Њујорк, Филаделфија, Балтимор и Бостон, парада за Свети Патрик во американскиот главен град прерасна во една од најголемите и етнички најшарени.

Во САД денес живеат околу 30 милиони Американци со ирско потекло.

XS
SM
MD
LG