Поранешната гувернерка на Јужна Каролина Ники Хејли во средата објави дека ја напушта претседателската трка на републиканците, оставајќи го поранешниот претседател Доналд Трамп како претпоставен кандидат на партијата.
„Сега дојде време да ја прекинам мојата кампања. Реков дека сакам на Американците да им се слушне гласот. Јас го направив тоа“ рече Хејли за време на обраќањето во Чарлстон, Јужна Каролина, откако загуби на неколку трка за номинација на гласањата во Супер вторник.
Хејли не го поддржа Трамп за време на нејзиното обраќање.
Наместо тоа, таа го повика поранешниот претседател да ја освои поддршката од гласачите кои ја поддржаа.
Се чини дека планот и остава простор да го поддржи Трамп пред општите избори во ноември, изјавија за Си-Ен-Ен извори запознаени со нејзините планови пред нејзиниот говор.
Хејли, која беше американски амбасадор во Обединетите нации во мандатот на Трамп, беше последниот од десетината главни кандидати кои поранешниот претседател ги победи на прелиминарните избори на Републиканската партија на кои доминираше од почеток до крај - вклучително и победата на 14 од 15-те избори на Републиканската партија во вторникот - дури и кога тој ги прескокна дебатите на партијата и одржуваше многу полесен распоред на патувања во раната држава од сите негови ривали.
Хејли, првата американка од индиско потекло и жена - гувернер на Јужна Каролина и поранешен амбасадор на Обединетите нации, беше последниот преостанат републикански противкандидат на Трамп.
