Русија во средата ги обвини Соединетите Американски Држави и Велика Британија дека и помагаат на Украина да изврши напад минатата недела врз седиштето на руската црноморска флота на Крим окупиран од Русија.
Портпаролката на руското Министерство за надворешни работи, Марија Захарова, на брифинг рече дека нападот бил „однапред испланиран со помош на западни разузнавачки средства, сателитски средства на НАТО и извидувачки авиони“.
Захарова, исто така, рече дека американското и британското разузнавање помогнале во координирањето на ракетниот напад.
Додека САД и другите западни партнери обезбедија воена опрема и обука на Украина, американските власти претходно негираа дека имаат директна улога во одбраната на Украина од руската инвазија.
Кога Русија ги обвини САД дека се вклучени во нападот со беспилотно летало во мај врз Кремљ, портпаролот на Советот за национална безбедност на Белата куќа, Џон Кирби, тврдењето го нарече „смешно“.
Телевизискиот канал управуван од Министерството за одбрана на Русија во средата емитуваше видео без датум.
Тоа беше втор ден по ред во кој видеото на Соколов се појави на руската телевизија, по украинското тврдење дека тој бил убиен во ракетен напад на Крим.
Некои информации се од Асошиетед прес, агенцијата Франс прес и Ројтерс.