Југоисточната американска држава Флорида се подготвува за налетот на ураганот Идалија, сега, бура од четврта категорија, а метеоролозите очекуваат дека крајбрежните области ќе доживеат „катастрофално поплавување од бура“.
Идалија истури силен дожд на Флорида додека средиштето на бурата се приближуваше до брегот на државата во Заливот со максимални постојани ветришта од 215 километри на час.
Националниот центар за урагани соопшти дека Идалија ја зајакнала категоријата 4 - второто најсилно ниво - неколку часа пред очекуваното паѓање во регионот Биг Бенд.
Подрачјата кои се најдиректно погодени од невремето може да видат поплави од три до пет метри над нивото на земјата.
Властите наредија задолжителни евакуации во осум општини на траекторијата на бурата, а граѓани во неколку сојузни држави беа охрабрени да заминат при налетот на поројните дождови и ветришта.
Како подготовка за напорите за спасување и поправка, активирани се околу 5.500 војници на Националната гарда, а повеќе од 30.000 комунални работници се спремни пред пристигнувањето на бурата.
Синоптичарите, исто така, рекоа дека деструктивните ветрови ќе ги погодат областите во Флорида и до соседна Џорџија во среда, а дождовите од поплави ќе ги погодат и тие држави заедно со Северна Каролина и Јужна Каролина до четврток.
Некои информации се од Асошиетед прес.