Претседателот Володимир Зеленски изјави дека Украина „дава се од себе со партнерите за да го зголеми снабдувањето со системи за противвоздушна одбрана“.
Украина соопшти дека рускиот напад што го погоди пристаништето во Измаил оштетил 40.000 тони жито.
Украинските власти соопштија дека руското гранатирање во четвртокот погодило историска црква во градот Керсон, при што биле повредени најмалку седум лица. Местото на нападот беше катедралата Св. Олександр Прокудин, а регионалниот гувернер на Керсон, рече дека уште три лица биле повредени во тролејбус кој возел покрај катедралата во моментот на гранатирањето.
Нападот на црквата уследи по минатонеделниот руски ракетен напад кој погоди православна катедрала во Одеса.
Во главниот град на Украина, Киев, властите рекоа дека Русија извршила напад втор ден по ред со бран дронови, но дека нема извештаи за повредени или материјална штета.
Украинската војска соопшти дека соборила 15 беспилотни летала Шахед од иранско производство, лансирани од Русија во текот на ноќта.
Исто така во четвртокот, Русија објави напад со украинско беспилотно летало врз регионот Калуга, околу 150 километри јужно од Москва.
Регионалниот гувернер Вјачеслав Шапша на Телеграм изјави дека руската воздушна одбрана соборила шест беспилотни летала и дека нема пријавени жртви.
Некои информации се од Асошиејтед прес, агенцијата Франс прес и Ројтерс.
