Аналитичарите велат дека одлуката на американскиот претседател Џо Бајден да го одложи патувањето во Австралија е голем удар за Канбера.
Индискиот премиер Нарендра Моди сепак патува во Австралија следната недела, иако самитот на лидерите на КВАД во Операта во Сиднеј е откажан.
Белата куќа соопшти дека американскиот претседател Џо Бајден го одложи планираното патување во Австралија поради преговорите за плафонот за долгот и задолжувањето.
Бајден, сепак, отпатува во Јапонија на состанокот на Групата седум - најголеми индустриски развиени земји, на кој ќе присуствува и австралискиот премиер Ентони Албанес, заедно со Јапонецот Фумио Кишида и Индиецот Нарендра Моди.
Австрискиот премиер Албанес им рече на новинарите дека лидерите на безбедносниот дијалог КВАД, вклучително и САД, Австралија, Јапонија и Индија, ќе се сретнат на разговори на маргините на самитот на Г-7 во Хирошима, Јапонија.
„Претседателот Бајден, сепак, посочи дека со нетрпение очекува да дојде на идниот датум кога ќе може да се усогласи, а јас ќе ги посетам САД во државна посета подоцна оваа година. Сите четворица лидери - претседателот Бајден, премиерот Кишида, премиерот Моди и јас, ќе бидеме на чело на Г-7 во Хирошима“, рече Албанес.
Самитот КВАД во Сиднеј требаше да биде првиот што ќе се одржи во Австралија.
Ерин Марфи, висок соработник во ЦСИС, изјави за Гласот на Америка дека одложувањето е исто така голема работа: „Кога размислувате за тоа што САД се обидуваат да направат, на Пацифичките острови, за да покажат дека се ангажирани, економски, воено, дипломатски и да покажат дека се стратешки конкурент, да обезбедат работи што им се потребни на Пацифичките острови, мислам дека одложувањето на посетата е значително назадување“, рече Марфи.
Даниел Расел од Азискиот Институт за општествени политики се согласи:
„Очигледно, тоа е огромно разочарување, пред сè, за Папуа Нова Гвинеја и нејзиниот лидер, како и за другите острови на Пацификот, вклучувајќи го и лидерот на Австралија“, рече тој.
И весникот „Сиднеј Морнинг Хералд“ го опиша одложувањето како „разочарување, создавање хаос, и подарок за наметнување на Пекинг“, велејќи: „Одложувањето на посетата на Бајден е штетна порака, што ја испраќа до Азиско-пацифичкиот регион, за посветеноста на Америка кон регионот, бидејќи тој жестоко се натпреварува со влијанието од Кина“.