Спикерот на Претставничкиот дом на САД Кевин Мекарти изјави дека Русија треба да се повлече од Украина.
Републиканскиот лидер го кажа ова денес на прес-конференција во Ерусалим за време на неговото прво патување во странство како спикер на Претставничкиот дом.
Мекарти ја засили својата лична политичка поддршка за Киев, како и воената посветеност на САД кон Украина.
Обраќајќи му се на новинарот од руските медиуми, Мекарти рече дека не го поддржува она што Русија го прави во Украина, вклучувајќи го и она што тој рече дека е „убиство на децата“.
Мекарти ја предводи двопартиската делегација на американски законодавци во Израел и одржа историски говор во Кнесетот, прво вакво обраќање на претседател на Претставничкиот дом на САД во последните 25 години.
Извор: АП