Линкови за пристапност

Зеленски го повика кинескиот лидер да ја посети Украина


УКРАИНА (АП) - Украинскиот претседател го покани кинескиот колега, Шји Џјинпинг, да ја посети Украина која е разурната од војната, велејќи дека тие не биле во контакт од почетокот на војната и дека е „подготвен да разговара со него“.

„Сакам да разговарам со него“, изјави денес Володимир Зеленски за Асошиетед прес, една недела откако Шји го посети рускиот претседател Владимир Путин минатата недела. Кина не одговори за тоа дали Шји ќе ја посети Украина.

Кина беше економски усогласена и политички наклонета кон соседна Русија во текот на многу децении, а Пекинг му обезбеди дипломатско покривање на Путин со тоа што имаше официјална позиција на неутралност во војната. Шји, моќен лидер кој управува со ресурсите на најнаселената нација во светот, е важен играч во руско-украинскиот конфликт, па дури и недостатокот на вмешаност на Кина е моќна изјава.

Зеленски и претходно му упатуваше покани на Шји, но овој експлицитен повик за посета доаѓа неколку дена откако кинескиот лидер го посети Путин во Русија минатата недела. Украинскиот лидер изјави дека воопшто не комуницирал со Шји за време на конфликтот.

„Подготвени сме да го видиме овде“, рече Зеленски. „Имав контакт со него пред војната. Но, во текот на целата оваа година, повеќе од една година, немав“.

Во Пекинг, портпаролката на кинеското Министерство за надворешни работи Мао Нинг беше прашана дали Шји ќе ја прифати поканата од Зеленски - или дали таа е официјално упатена. Таа им рече на новинарите дека нема информации. Исто така рече дека Пекинг одржува „комуникација со сите засегнати страни, вклучително и Украина“.

Портпаролот на Кремљ, Дмитриј Песков, запрашан дали средбата меѓу Шји и Зеленски ќе биде корисна за решавање на конфликтот во Украина, рече дека руските власти „високо ја ценат“ урамнотежената позиција на Кина по ова прашање и „немаат право да даваат какви било совети“ за тоа дали тие двајца треба да се сретнат. „Кинескиот лидер сам одлучува за соодветноста на одредени контакти“, рече Песков за време на неговиот дневен конференциски повик со новинарите во средата.

Извор: Асошиетед Прес

XS
SM
MD
LG