Пекинг, 22 март (Ројтерс) - Кина ја одобри својата прва домашно развиена мРНА вакцина против ковид-19, објави денес фармацефтска компанија од Кина. Ова е големо достигнување во земја која одби да користи западни вакцини за ковид-19.
Кина, чии домашни вакцини се сметаат за помалку ефикасни од мРНА вакцините на Модерна и Фајзер-БионТек, од почетокот на 2020 година се обидува да развие вакцини со помош на технологијата на РНК (mRNA).
Долгоочекуваното одобрување доаѓа откако инфекциите драстично паднаа низ Кина, и ги симна строгите ограничувања во декември, со што изгледите за продажба на новоодобрената вакцина беа умерени.
Но, тоа ќе и даде на Кина дополнителна опција да се справи со идните епидемии и основа за развој против новопојавените варијанти, велат научниците.
Веста за првата ваква успешна кинеска вакцина не предизвика голема врева во домашните социјални медиуми, бидејќи земјата се врати во нормала и нејзините граници повторно се отворија.