Линкови за пристапност

Северна Кореја лансираше ракета неколку часа пред средбата на Јапонија и Јужна Кореја


Северна Кореја не го коментираше лансирањето
Северна Кореја не го коментираше лансирањето

Северна Кореја лансираше интерконтинентална балистичка ракета денес, неколку часа пред големиот самит Јапонија-Јужна Кореја, кој во голем дел ќе се фокусира на заканата од Пјонгјанг.

Војската на Јужна Кореја соопшти дека Северна Кореја ја лансирала ракетата од областа Пјонгјанг околу 7:10 часот локално време. Според јапонското Министерство за одбрана, проектилот паднал околу 69 минути подоцна надвор од ексклузивната економска зона на Јапонија.

Јапонските власти не пријавиле никаква штета од проектилот, објавија јапонските медиуми.

Северна Кореја не го коментираше лансирањето. Обично не открива детали за неговото лансирање до следното утро во државните медиуми.

Лансирањето ги истакнува предизвиците што ги споделуваат Јапонија и Јужна Кореја, додека врвните лидери на двете земји се подготвуваат да се сретнат во Токио в четврток.

Посетата на јужнокорејскиот претседател на Јапонија, прва на јужнокорејски претседател во последните 12 години, има за цел да ги подобри билатералните врски кои беа попречени од историските спорови поврзани со јапонската окупација на Јужна Кореја од 1910 до 1945 година.

XS
SM
MD
LG