Линкови за пристапност

Бајден и сојузниците го открија планот за снабдување на Австралија со подморници на нуклеарен погон


На церемонијата во Сан Диего, Бајден истакна дека подморниците ќе бидат на нуклеарен погон, а не нуклеарно вооружени (Фото: Ројтерс)
На церемонијата во Сан Диего, Бајден истакна дека подморниците ќе бидат на нуклеарен погон, а не нуклеарно вооружени (Фото: Ројтерс)

Лидерите на САД, Австралија и Велика Британија денес ги открија деталите за планот за обезбедување на Австралија со подморници на нуклеарен погон, што е голем чекор за спротивставување на амбициите на Кина во Индопацификот.

Во заедничка изјава, американскиот претседател Џо Бајден, австралискиот премиер Ентони Албанес и британскиот премиер Риши Сунак, ги поддржаа плановите за таканаречениот проект АУКУС, првпат објавен во 2021 година, во американската поморска база во Сан Диего, Калифорнија, главното домашно пристаниште на американската Пацифичка флота.

Според договорот, САД имаат намера да ѝ продадат на Австралија три американски подморници од класа Вирџинија на нуклеарен погон, кои се изградени од „Џенерал Динамикс“ на почетокот на 2030-тите, со опција да купат уште две доколку е потребно, се вели во заедничкото соопштение.

Во изјавата на лидерите се вели дека повеќестепениот проект ќе кулминира со британско и австралиско производство и работа на нова класа на подморница базирана врз дизајнот на следната генерација на Британија, што ќе биде изградена во Британија и Австралија и ќе вклучува „современи“ технологии на САД.

На церемонијата во Сан Диего, Бајден истакна дека подморниците ќе бидат на нуклеарен погон, а не нуклеарно вооружени: „Овие бродови нема да имаат нуклеарно оружје од каков било вид на себе“, рече тој.

Со договорот ќе бидат распоредени американски и британски подморници во Западна Австралија за да помогнат во обуката на австралиските тимови и да се зајакне одвраќањето, рече висок американски функционер.

Во заедничкото соопштение се вели дека САД и Велика Британија ќе започнат со овие ротациони распоредувања најрано во 2027 година, а официјалниот претставник рече дека за неколку години ќе има четири американски подморници и една британска.

Првата фаза од планот веќе е во тек, рекоа официјалните лица.

Извор: Ројтерс

XS
SM
MD
LG