Правејќи споредба меѓу војната со Русија и библиската приказна за Давид и Голијат, украинскиот претседател Володимир Зеленски денес ги повика западните лидери во Минхен да не го одложуваат испраќањето воена помош, велејќи: „Голиат мора да изгуби“.
Зеленски преку видео порака им се обрати на владините лидери и воените функционери собрани на Минхенската безбедносна конференција, годишен форум за меѓународната безбедносна заедница на кој се разговара за конфликтите во светот.
Зеленски рече дека е уверен - со помош на своите сојузници, Украина може да извојува победа над „не само Путин, туку и на сличните на Путин ширум светот“.
Непосредно пред почетокот на конференцијата, германскиот министер за одбрана Борис Писториус им рече на новинарите дека заканата од војната во Украина - и руската амбиција - „ги надминува Украина и другите региони во источна Европа, до Блискиот Исток, Африка и Индо Пацификот“.
Зголемените тензии меѓу Соединетите Држави и Кина, исто така, се очекува да бидат високо на агендата на конференцијата, откако американската војска собори наводен кинески балон за надзор над територијата на САД.