Линкови за пристапност

Загрижувачки се резултатите од „Еврометар“, 61 процент од испитаниците одговориле дека Македонија не е демократска земја


Интересни, но воедно и загрижувачки се резултатите од „Еврометар“ истражувањето кое на крајот на 2022 го спроведе „Евротинк“, домашна тинк-тенк организација.

61 процент од 1006-те телефонски испитаници одговориле дека Северна Македонија не е демократска земја, 53 отсто сметаат дека работите во државата се движат во целосно погрешна насока, додека само 9 проценти одговориле дека работите одат во добра насока.

Само 49 отсто од граѓаните сметаат дека „генерално, членството во ЕУ“ би била добра работа што е пад од 20 проценти во однос на есента 2021.

„Имаме рекордно ниски бројки во однос на довербата и ставовите на македонските граѓани кон ЕУ и ставот кон самиот процес на интеграции. На прашањето – каков е ставот на ЕУ кон С Македонија највисоки 65 отсто сметаат дека тој е нефер и уценувачки, додека оние кои сметааат дека е фер е само ниски 17 проценти што се падови и осцилации од 20 проценти во однос на претходните години“, рече извршниот директор на Евротинк, Димитар Николовски.

Еврометарот покажува ниска поддршка за ЕУ
please wait

No media source currently available

0:00 0:03:15 0:00

Овие резултати одат паралелно со фактот дека 33 проценти од испитаниците изјавиле дека Македонија треба да бара модел на развој надвор од ЕУ. Истовремено, 29 отсто од граѓаните сметаат дека земјава никогаш нема да влезе во Унијата. 42 проценти од прашаните сметаат дека постои држава или меѓународна организација која е закана за државата. Русија со 4 проценти е на второ место.

„Бугарија се смета за најголем непријател на Македонија и тој тренд континуирано расте. Ако лани Бугарија на прво место со 23 проценти од граѓаните кои мислеле дека таа е најголем непријател на земјава, годинава тој процент е на речиси 28%. За разлика од тоа Србија се смета за најголем пријател со 37 проценти“, додава тој.

Тој процент е за три пати повеќе од второрангираната – САД за кои, како за најголеми пријатели на С Македонија, се изјасниле само 11,4 отсто од испитаниците.

Истражувањето покажува други сериозни поместувања – се повеќе граѓани имаат се помала доверба во институциите.

„Низ годините се поголем е падот на довербата во институциите, кај сите институции. Најниска доверба и оваа година е кај судството и обвинителството. Кај судството довербата е 6 проценти, кај обвинителството е 7 проценти. Лани, кај овие две гранки довербата беше по 8 проценти“, вели Александар Стојановски од Евротинк.

Новина во овој „Еврометар“ е вметнување на прашањето „што мислат граѓаните за тоа како државните институции се справуваат со корупцијата“ – област која, пред се Вашингтон, но и Брисел, ја сметаат за клучна за Македонија. На ова прашање 51 отсто од испитаниците одговориле дека „институциите лошо ја водат борбата против корупцијата“.

XS
SM
MD
LG