Линкови за пристапност

Ги осудуваме сите оние кои слават одземање невини животи, рече Блинкен во Израел


Минатонеделните напади ја вознемирија администрацијата на Бајден која се обидува да најде заеднички јазик со новата десничарска влада на израелскиот премиер Бенјамин Нетанјаху
Минатонеделните напади ја вознемирија администрацијата на Бајден која се обидува да најде заеднички јазик со новата десничарска влада на израелскиот премиер Бенјамин Нетанјаху

Државниот секретар на САД Ентони Блинкен денес ги повика Израел и Палестинците да ги намалат тензиите во услови на пораст на насилството. Крвопролевањето ја вознемири администрацијата на Бајден додека се обидува да најде заеднички јазик со новата десничарска влада на израелскиот премиер Бенјамин Нетанјаху.

Говорејќи при неговото пристигнување на меѓународниот аеродром во Израел во близина на Тел Авив, по кратката посета на Египет, Блинкен рече дека дошол во „клучен момент“ и ги осудил палестинските напади кои се насочени кон израелските граѓани, но исто така повика на воздржаност како одговор.

„Да се одземе невин живот во чин на тероризам е секогаш грозоморно злосторство, но да се напаѓаат луѓе надвор од нивното место на богослужба е особено шокантно“, рече тој, мислејќи на нападот во петокот во кој загинаа седум лица, од кои многумина заминуваа од ерусалимска синагога.

„Најостро го осудуваме“, рече тој. „Ги осудуваме сите оние кои ги слават овие и сите други акти на тероризам кои одземаат животи на цивили, без разлика која е жртвата или во што веруваат. Повиците за одмазда против повеќе невини жртви не се одговор. А актите на одмазднички насилство врз цивилите никогаш не се оправдани“.

Последниот бран на насилство избувна минатата недела со нападот на израелската војска врз упориштето на милитантите во градот Џенин на Западниот брег, во кој загинаа 10 луѓе, повеќето милитанти, а потоа и пукањето во еврејската населба во источен Ерусалим, во кое загинаа седум Израелци.

Извор: АП

XS
SM
MD
LG