Линкови за пристапност

САД: Обвинителството изнесе вознемирувачки детали за убиството на Ана Волш


Обвинителката Лин Беланд го прочита обвинението, во кое се вели дека Волш ја убил својата сопруга и го распарчил нејзиното тело, а потоа ги фрлил нејзините останки во контејнерите во предградието на Бостон.

БОСТОН – На Брајан Волш, обвинет за убиство на сопругата Ана, му беше прочитано обвинението пред Судот во Квинси.

За време на сослушувањето, беше посочено дека Волш се изјаснил за невин по обвиненијата за убиство на неговата сопруга.

Обвинетиот пред Судот рече дека ги разбира деталите од обвинителниот акт во кој се изведени доказите за кривичното дело - убиство за кое се товари обвинетиот.

Волш ќе биде задржан во притвор без кауција, при што неговата одбрана не оспори.

Следното судско рочиште е закажано за 9-ти февруари

Колешка на Волш за Гласот на Америка на српски јазик рече дека било трауматично да се слушаат деталите од обвинението. „Беше многу болно“, е главниот впечаток на Памела Барди, колешката на Ана Волш, откако го погледнала видеото од судницата каде што нејзиниот сопруг беше претставен со обвинителен акт за убиство, рече дека за време на читањето на обвинителниот акт, поради неговата содржина и изведени докази, „срцето ми потона од болка. Ме обзеде чувство на лутина. Знаеме дека истрагата е во тек, но самата идеја дека нешто толку ужасно ѝ се случило на толку прекрасна личност, е надвор од секој разум“.

Колешката на Ана, Памела Барди
Колешката на Ана, Памела Барди

Таа рече дека иако имала деловен однос со неа, но чувствувала дека се блиски. „Ако чувствувам таква тежина и болка, а сме одржувале деловни контакти, можете да замислите како се чувствува семејството. Не сакам ни да размислувам за момчињата и нејзините блиски пријатели. Многу е тешко“, изјави Барди за Гласот на Америка.

Брајан Волш е обвинет за убиство на својата сопруга, распарчување на нејзиното тело, а потоа фрлање на посмртните останки во контејнери во предградијата на Бостон.

За време на сослушувањето, беше посочено дека Волш се изјаснил за невин по обвиненијата за убиство на неговата сопруга.

Обвинителката Лин Беланд го прочита обвинението, во кое се вели дека Волш ја убил својата сопруга и го распарчил нејзиното тело, а потоа ги фрлил нејзините останки во контејнерите во предградието на Бостон.

Адвокатката на Волш: Случајот не е целосен

Правниот застапник на Брајан Волш, Трејси Мајнер, ги критикуваше обвинителите за, како што таа тврди, давање информации од истрагата до новинарите.

Мајнер рече дека случајот против нејзиниот клиент, кој е обвинет за убиство, „не е силен“. Таа истакна дека доказите се уште не ѝ се доставени, па, затоа нема да ги коментира, ниту да се занимава со судскиот процес во медиумите.

„Ќе видиме што имаат и што од тоа ќе биде прифатливо на Суд - каде на крајот ќе се решава случајот. Обвинувањата и означувањето на едно кривично дело е лесно. Многу е потешко да се докаже и ќе видиме дали обвинителството ќе биде успешно во тоа“, рече адвокатката на Брајан Волш - обвинет за убиство на неговата сопруга Ана, која има српско потекло.

Обвинетиот, како што јави Си-Ен-Ен, главно молчел за време на рочиштето. Единствено што кажа е дека го разбира обвинението. Тој, исто така, беше смирен додека обвинителот Беланд ги раскажуваше вознемирувачките детали од неговите интернет пребарувања за тоа како да го прикрие убиството.

Одмавнал со главата, кога било констатирано дека за ова го користел Ајпедот на неговиот син. Списокот на пребарувања на Гугл презентирани на Суд биле направени на 1 јануари - кога се верува дека Ана Волш последен пат била видена, и има пребарувања и во наредните денови.

Меѓу бараните содржини по Интернет беа и оние поврзани со справување со смртни останки и какви се својствата на формалдехид - кој се користи за спречување на распаѓање на ткиво.

Докази од депониите

Обвинителството на рочиштето изнесе детали од собраните докази за убиството, кои, како што наведоа, биле пронајдени на неколку депонии.

Нејасна судбината на Ана Волш

За време на опсежната истрага беа собрани докази, вклучувајќи траги од крв и крвав нож во домот на семејството Волш.

Досегашната истрага покажала и дека Волш го пријавил исчезнувањето на сопругата дури откако нејзиниот работодавец - компанијата „Тишман Спајер“ од Вашингтон - го сторил тоа на 4 јануари, каде Ана требала да се врати на работа на 3 јануари. Медиумите објавија и дека Волш и се заканувал на сопругата Ана со убиство во 2014 година, кога тие се уште не биле во брак.

„Имав страшно чувство во стомакот и се молев да не е точно. А сега дознаваме дека се случило... многу е тешко“.
Барди, пријателка на Ана Волш

Памела Барди, пријателка и поранешна колешка на Ана Волш, за Си-Ен-Ен изјави дека почувствувала бес откако полицијата објавила дека Ана е убиена. „Имав страшно чувство во стомакот и се молев да не е точно. А сега дознаваме дека се случило... многу е тешко“.

Иако е преплашена кога ги дознава деталите за овој случај, Барди се надева дека вистината ќе излезе на виделина.

На што укажува досегашната истрага?

Потврдено е ѝ дека на една од влечките и на костум се пронајдени остатоци од ДНК на Ана и Брајан Волш. Иако телото не е пронајдено, на пронајдените предмети било пронајдено човечко ткиво како и на нож, пила, крвави крпи, секира и тепих, за кое е утврдено дека и припаѓа на Ана Волш.

Пронајден е и дел од ланчето кое на фотографиите го носела Ана Волш.

Утврдено е дека Брајан Волш на 3 јануари бил забележан како фрла вреќи со ѓубре во различни контејнери, од кои ѓубрето било однесено на депонија каде било уништено. Еден ден претходно, тој беше фатен на камерата како купува заштитно одело и теписи заедно со средства за чистење.

„Вистината е меч со две острици: болно е да се знае, но и неопходно. Тие деца заслужуваат да знаат што се случило со нивната мајка, како и нејзините пријатели и семејството“, изјави пријателката Барди.

Трите деца на семејството Волш, на возраст од две до шест години, се преземени од соодветните социјални Служби за згрижување во САД.

XS
SM
MD
LG