Неверување, шок и чувство на беспомошност биле првите реакции кај Алиона и Јарослава на 24 февруари годинава, кога Русија ја почна инвазијата врз Украина. Набргу после нападите со своите деца ја напуштиле својата земја, оставајќи зад себе живот што секоја од нив го градела со децении. Од тогаш почнува нивното непланирано патешествие за преживување и барање начин за егзистенција во туѓа култура и држава.
Бегалскиот пат ги одвел во Бугарија, каде успеале да најдат ангажман во американско филмско студио, кое отворило врати за бегалците од Украина.
Погледнете ја животната приказна на Алиона Алтукова и Јарослава Кузменко, во продукција на Гласот на Америка.
