Поранешниот претседател Доналд Трамп се подготвува да ја започне својата трета кампања за Белата куќа вeчерва, по разочарувачките конгресни избори минатата недела, и по знаците дека неговата контрола врз Републиканската партија слабее.
Некои републиканци го таргетираат Трамп поради неговата поддршка на кандидатите на минатонеделните конгресни избори, од кои многумина загубија, што главно се засноваше на тоа дали тие се согласуваат со неговото тврдење дека бил измамен за уште еден четиригодишен мандат на изборите во 2020 година.
Некои републиканци забележаа дека Трамп, како најголемо име во републиканската политика, беше причина за големите загуби на конгресните избори во 2018 година на средината на неговиот претседателски мандат, како и за неговата сопствена загуба во 2020 година.
Трамп се соочува со федерални и сојузни криминални истраги за неговата улога во обидот да ја подобри својата загуба во 2020 година, за тоа дали го поттикнал нападот на Конгресот на 6 јануари 2021 година од страна на неговите приврзаници, како и дали незаконски однел високо класифицирани документи за национална безбедност во својот дом, кога ја напушти функцијата пред 22 месеци.
Против 45-от претседател на САД не е поднесена кривична пријава.
Дел од информациите во текстот се преземени од АП