Новите резултати од државните тестови покажуваат дека пандемијата предизвикала историски неуспеси во учењето за децата во Америка, објави Асошиетед прес.
Секоја сојузна држава забележала пад на резултатите по математика или читање во најновите резултати од националната оценка на образовниот напредок.
Резултатите по математика имаат најголемо намалување досега, а резултатите од читањето паднале на ниво од 1992 година.
Овој тест се смета за прва национално репрезентативна студија за влијанието на пандемијата врз учењето.
Секретарот за образование Мигел Кардона ги нарече резултатите неприфатливи, велејќи дека училиштата мора да ги удвојат напорите за да им помогнат на учениците да закрепнат.