Генералниот секретар на ОН Антонио Гутереш утре треба да ја посети Украина каде ќе има средба со Зеленски и турскиот претседател Реџеп Таип Ердоган.
Портпаролот на Гутереш, Стефан Дујарик, изјави за новинарите дека шефот на ОН потоа ќе отпатува во петок во јужниот град Одеса за да го посети пристаништето што се користи како дел од иницијативата за рестартирање на украинскиот извоз на жито. Обединетите нации и Турција помогнаа да се постигне договорот со Русија и Украина во услови на глобална криза со храна, а неколку бродови веќе ја напуштија Украина.
Гутереш, исто така, треба да отпатува во Истанбул во сабота за да го посети Заедничкиот координативен центар кој го следи извозниот систем, вклучително и инспекциите на извозот што го бара Русија.
Американскиот државен секретар Антони Блинкен доцна во понеделникот објави 68 милиони долари помош за „набавка, транспорт и складирање до 150.000 метрички тони украинска пченица за да се реши акутната несигурност во храната“.
„Продолжувањето на извозот од украинските пристаништа на Црното Море е позитивен чекор во решавањето на потребите на земјите со храна“, се вели во соопштението на Блинкен.
Некои информации за овој извештај се од Асошиетед прес, агенцијата Франс прес и Ројтерс.