Украинскиот претседател Володимир Зеленски во саботата повика на евакуација на источната провинција Доњецк, регионот во кој беа забележани најжестоки борби додека Русија се обидува целосно да го стави под контрола.
Стотици илјади луѓе, вклучително и деца и постари лица, остануваат во борбените зони на поширокиот регион Донбас, кој ги опфаќа Доњецк и Луганск.
Тоа е, исто така, регионот каде што украинските воени заробеници загинаа во ракетен напад претходно оваа недела.
Зеленски го објави ова во саботата за време на неговото ноќно видеообраќање до својата нација.
„Колку повеќе луѓе го напушта регионот Доњецк сега, толку помалку луѓе руската армија ќе има време да убие“, рече тој, додавајќи дека на жителите кои заминале ќе им биде дадена компензација, објави Ројтерс.
Зеленски вети логистичка поддршка за да ги убеди луѓето да си заминат.
Дел од информациите во текстот се преземени од Асошиетед прес и Ројтерс
