Северна Кореја тестираше три балистички проектили во средата, вклучително и она што изгледаше како интерконтинентална балистичка ракета, соопшти Јужна Кореја, неколку часа откако американскиот претседател Џо Бајден ја заврши посетата на североисточна Азија.
Американските власти постојано предупредуваа дека Северна Кореја може да изврши лансирање ракета со долг дострел, па дури и нуклеарна проба, за време или околу патувањето на Бајден во Азија.
Додека Северна Кореја се воздржуваше од какви било тестови за време на посетата на Бајден, но нејзинoто лансирање дојде само 12 часа откако тој ја напушти Јапонија.
Првата ракета, најверојатно ICBM, летала околу 360 километри и достигнала височина од 540 километри, соопшти војската на Јужна Кореја.
Северот, исто така, лансираше проектил кој не успеа набргу по полетувањето, како и трета балистичка ракета за која се претпоставуваше дека е со краток дострел, се додава. Како одговор, војската на Јужна Кореја соопшти дека спровела вежба во која учествувале 30 борбени авиони Ф-15К.
САД и Јужна Кореја, исто така, извршија лансирање ракета земја-земја, се додава.
https://twitter.com/GalloVOA/status/1529332359509618688
„Нашата демонстрација на вооружени сили покажа дека сме решени да одговориме на какви било провокации, како што е лансирањето на ICBM од Северна Кореја и сме способни прецизно да го погодиме потеклото на провокацијата со огромната моќ на нашата војска“, рече началникот на здружениот штаб на Јужна Кореја.
САД и Јужна Кореја заеднички ги осудија „дестабилизирачките“ тестирања на балистички ракети на Северна Кореја, се вели во соопштението од Белата куќа по телефонскиот разговор меѓу американскиот советник за национална безбедност Џејк Саливан и неговиот јужнокорејски колега, Ким Сунг-Хан.
САД, исто така, „ја потврдија цврстата посветеност на САД за одбрана“ на Јужна Кореја.