Потпретседателката на САД Камала Харис е позитивна на ковид-19, иако нема никакви симптоми, објави денес нејзиниот Кабинет.
Во изјавата, портпаролката Кирстен Ален рече дека Харис ќе се изолира и ќе продолжи да работи од нејзината резиденција.
Ален рече дека потпретседателката не била во близок контакт со претседателот Џо Бајден или со првата дама Џил Бајден, поради нивните неодамнешни распореди на патувања.
„Таа ќе ги следи упатствата на ЦДЦ и советите на нејзините лекари. Потпретседателката ќе се врати во Белата куќа кога тестот ќе биде негативен“, се вели во соопштението.
57-годишната потпретседателка е вакцинирана и прими два бустера, последниот на први април.
Дел од информациите за овој извештај се преземени од Асошиетед прес и Ројтерс