Линкови за пристапност

СЗО известува за 43 отсто зголемување на глобалните смртни случаи од ковид-19


Светската здравствена организација објави скок од 43 отсто на смртни случаи од ковид-19 на глобално ниво минатата недела, додека бројот на нови случаи продолжува да опаѓа ширум светот.

Во својот неделен епидемиолошки извештај, СЗО соопшти дека во неделата што завршува на 27-ми март биле пријавени 45.000 смртни случаи кои се припишуваат на ковид-19, што е повеќе од 33.000 претходната недела. Тој скок следи по една недела во која смртните случаи се намалија за 23 проценти.

Агенцијата рече дека зголемувањето на смртните случаи најверојатно е предизвикано од промените во дефиницијата за смртни случаи од ковид-19 во Америка, како што се Чиле и САД, и од ретроспективните прилагодувања пријавени од Индија во Југоисточна Азија.

Како пример, Чиле имаше најголем број нови смртни случаи, известувајќи за 11.858, што е скок од 1.710 проценти од претходната недела. Соединетите држави забележаа помал, но сепак значаен пораст од 5.367 нови смртни случаи, што претставува зголемување од 8 проценти.

Додека Индија забележа 4.525 нови смртни случаи; претставуваше пораст од 619 отсто. СЗО соопшти дека тие смртни случаи вклучуваат бројки од државата Махараштра, кои првично не биле вклучени во минатонеделниот биланс на смртни случаи од ковид-19.

Додека бројот на нови случаи севкупно опадна на глобално ниво, три европски земји - Германија, Италија и Франција - забележаа зголемување на нови случаи од претходната недела. Германија и Италија пријавија зголемување од два, односно шест проценти, Франција пријави 845.119 нови случаи или зголемување од 45 проценти.

СЗО постојано повторува дека бројот на случаи на ковид-19 веројатно е огромно потценување на распространетоста на коронавирусот. Агенцијата, исто така, изрази загриженост дека многу земји во последниве недели објавија планови да се откажат од нивните сеопфатни програми за тестирање и други мерки за надзор. Тие рекоа дека тоа ќе ги наруши напорите за прецизно следење на ширењето на вирусот.

Некои информации за овој извештај обезбеди Асошиетед прес.

XS
SM
MD
LG