Линкови за пристапност

Републиканецот Глен Јангкин победи на изборите за следниот гувернер на сојузната држава Вирџинија


Според анкетата на Асошиејтед прес, околу една третина од гласачите во Вирџинија рекле дека економијата е главното прашање за нив, 17 отсто рекле дека е пандемијата и 14 отсто образованието

Републиканецот Глен Јангкин победи на изборите во вторникот за следниот гувернер на сојузната држава Вирџинија во една од неколкуте трки на национално ниво пред конгресните избори следната година.

Политичкиот новодојденец го победи демократот Тери Меколиф, поранешен гувернер на Вирџинија, освојувајќи 51 отсто од гласовите наспроти 48.

Пред изборите во вторник, и двајцата кандидати ја истакнаа нејзината важност на националната политичка сцена, бидејќи една од двете трки за гувернери на државата се натпреваруваа оваа година и со демократите и републиканците кои се насочени кон изборите во 2022-ра година, за 435 места во Претставничкиот дом.

Демократите имаат мало мнозинство и во Претставничкиот дом и во Сенатот, а губењето на контролата на едното или на двете следната година ќе му отежне на демократскиот претседател Џо Бајден да ја продолжи својата законодавна агенда.

Резултатот од Вирџинија укажува на неодамнешната промена во поддршката, при што загубата на Мекалиф дојде откако тој имаше водство во анкетите пред гласањето. Но, таа предност во анкетите се намалуваше, токму кога Бајден забележа пад на неговиот рејтинг.

Бајден ја освои Вирџинија со 10 поени разлика на минатогодишните избори.

Според анкетата на Асошиејтед прес, околу една третина од гласачите во Вирџинија рекле дека економијата е главното прашање за нив, 17 отсто рекле дека е пандемијата и 14 отсто образованието.

Гласовите сè уште се пребројуваат во тесната битка во државата Њу Џерси, каде што гувернерот Фил Марфи се обидува да стане првиот демократски гувернер во државата кој победил на реизбор во последните 44 години. Тој се соочува со предизвик од поранешниот државен законодавец, републиканецот Џек Читарели.

Гласачите, исто така, го направија својот избор во вторникот во трката за пополнување на три слободни места во Домот.

Демократот Шонтел Браун ја победи републиканката Лаверн Гор за да освои место што го претставува 11-тиот конгресен округ на Охајо.

Некои информации за овој извештај се од Асошиетед прес.

Facebook Forum

XS
SM
MD
LG