Стапија на сила новите мерки за влез и излез од државата

СКОПЈЕ - Владините мерки за влез и излез од државата како за македонските така и за странските државјани од денеска стапија на сила. На граничните премини голема феквенција на возила и подолго време на чекање. Мерките предвидуваат задолжителен серитфикатза извршена вакцинација односно примени две дози, потврда за прележан ковид во последните 45 дена, сметајќи од денот на оздравувањето, негативен ПЦР-тест не постар од 72 часа или негативен брз антигенски тест не постар од 48 часа како при влез така и при излез од Северна Македонија.

На вчерашната седница беше дополнета и одлуката за задолжителен домашен карантин во траење од седум дена, доколку лицата при влез во земјава немаат негативен ПЦР тест, потврда за вакцинација или потврда за прележан ковид-19. Времетраењето на карантинот, како што вчера соопшти Владата, може да се скрати на пет дена доколку во тој период биде приложен негативен ПЦР-тест. За странските државјани карантинот е на нивен трошок.

Околу потребата на носење на овие мерки, портпаролот на Владата Муамед Хоџа истака дека се по препорака на Комисијата за заразни болести и дека е неопходна.

„Оваа мерка е израз и наша определба да направиме се што е потребно нашата земја да се препознае како земја која води активни политики за имунизација и која не треба да се препознава како земја извозник на вирусот. Треба да се има предвиддека постапката за обезбедување доказ за вакцинација или за прележан Ковид-19 е вообичаена постапка за проверка на граничните премини при влез во огромен број европски и светски земји, која граѓаните секако треба да ја испочитуваат и оваа мерка во голем процент веќе и се спроведува“, изјави портпаролот Хоџа и додаде дека тестирање на граничните премини нема да има.

Исклучок од овие мерка се домашните возачи на товарни возила, како и странските возачи на камиони кои транзитираат низ земјата. Странските државјани кои ќе транзитираат низ државата имаат рок од пет часа да влезат и да излезат од Северна Македонија со претходно потпишана изјава на влезот во земјата која ќе треба да ја приложат пред граничната контрола на излез од земјава.