Линкови за пристапност

Белоруската олимписка спринтерка на пат за Полска


Полскиот премиер Матеуш Моравјецки во вторникот објави на Фејсбук дека разговарал со Циманоскаја и дека таа може да живее во Полска без пречки

Белоруската олимписка спринтерка, која рече дека се соочува со казна доколку се врати во својата земја, ја напушти денес Јапонија со лет за Австрија.

Кристина Циманоскаја треба да слета денес во Виена. Потоа се очекува да отпатува за Полска, каде што владата и понуди хуманитарна виза.

Полскиот премиер Матеуш Моравјецки во вторникот објави на Фејсбук дека разговарал со Циманоскаја и дека таа може да живее во Полска без пречки.

Полските власти и дадоа хуманитарна виза на Циманоскаја откако таа побара политички азил во понеделникот, тврдејќи дека официјалните лица од нејзиниот тим се обиделе да ја принудат да се врати дома во Белорусија против нејзините желби.

Циманускаја во Токио рече дека се плаши, дека нема да биде безбедна во Белорусија од автократската влада на претседателот Александар Лукашенко.

„Тие јасно кажаа дека при враќањето дома дефинитивно ќе се соочам со каква било казна“, рече таа за Асошиетед прес во интервју во вторникот.

Нејзиното заминување од Токио доаѓа неколку дена откако предизвика бурни реакции во државните медиуми во Белорусија критикувајќи како официјалните лица управуваат со белоруските олимпијци.

На својот профил на Инстаграм, Циманоскаја рече дека била вклучена во штафетниот тим на земјата 4х400, иако никогаш не се натпреварувала на овој настан.

Белорускиот национален олимписки комитет го предводат Лукашенко и неговиот син Виктор повеќе од 25 години.

Американскиот државен секретар Антониј Блинкен рече дека владата на Лукашенко се обидува да ја натера Циманоскаја да ги напушти ОИ „заради слободата на говорот“.

Некои информации во овој извештај се од Асошиетед прес, Агенција Франс прес и Ројтерс.

Facebook Forum

XS
SM
MD
LG