Линкови за пристапност

Последни подготовки пред стартот на имунизацијата во Северна Македонија

Модуларната болница е првиот центар за вакцинација а таму веќе од утре ќе се вакцинираат здравствените работници од Инфективната клиника.Со донацијата од 4.680 дози од вакцината на „Фајзер“ први ќе се вакцинираат здравствените работници кои работат со пациентите заболени од Ковид -19.

На помалку од 24 часа до стартот на имунизацијата во Северна Македонија се вршат последните подготовки во Модуларната болница која се наоѓа до Инфективната клиника во скопскиот Клинички центар. Модуларната болница е првиот центар за вакцинација.

Вакцинацијата ќе почне во 10 часот, а први ќе се вакцинираат здравствените работници токму од Инфективна клиника во Скопје.

Пунктот во модуларната болница има 6 вакцинални позиции, ќе работи во две смени од 8 до 20 часот, а вакцинацијата ќе ја спроведуваат медицински тимови од Здравствен дом Скопје.

Со донацијата на Србија од 4.680 дози од вакцината на „Фајзер“ ќе се вакцинираат здравствените работници кои се на првата борбена линија и работат со пациентите заболени од Ковид -19“

Facebook Forum

XS
SM
MD
LG