Бугарскиот претставник се спротивставил на предлог-преговарачката рамка за Северна Македонија за која се разговарало на денешниот Корепер – состанок на амбасадорите на земјите членки на ЕУ во Брисел. Ова, според премиерот Заев, е блокада од Софија и претставува кршење на Договорт за добрососедство.
„Ова е прв состанок на Корепер, ќе има прв и трет... Ова е испраќање на порака. Како што сум информиран имаме прва блокада од Бугарија. Членот 2 од Договорот за добрососедство и соработка со Бугарија кажуваат многу прецизно како Бугарија ќе ја поддржи Северна Македонија во нејзините интеграции во Европската Унија. И дефинитивно денеска е прекршен тој член. Ние ништо не прекршивме од Договорот со Бугарија, напротив имплементираме и личности и спремни сме да ги објавиме записниците досега, и навистина ова е прво непријатно чувство што ни се случува, но верувам дека е порака да се забрзаат решенијата на кои се разговара меѓу двете работни групи предводени од министерствата за надворешни работи“ рече премиерот Зоран Заев.