Густ смог продолжува да го обвиткува главниот град на Индија и околината, предизвикувајќи здравствени проблеми кај жителите.
Загадувањето на воздухот во Њу Делхи е на највисо ниво за последниве три години.
Меѓународниот аеродром во Њу Делхи „Индира Ганди“ е полн со луѓе чии летови се одложени или откажани заради слабата видливост.
Бордот за контрола на загадувањето вчера кажа дека индексот на загадувањето стигнал до 494, највисок од шести ноември 2016-та кога бил 497.
Индексот покажува квалитетен воздух за дишење кога е под 50 и задоволителен кога е под 100.
Локалните власти во Њу Делхи наредија затворање на училиштата барем до утре. Направен е план пар-непар за моторизираните кога можат да возат зависно од регистерската табличка.