Линкови за пристапност

Гигантот „Тесла“ почна да гради фабрика во Кина


Компанијата за производство на електрични возила „Тесла“, почна со изградба на првата фабрика во Кина. Погонот ќе биде сместен на периферијата на Шангај и воедно тоа е прв таков објект што компанијата на познатиот американски претприемач Илон Маск ќе го гради надвор од САД.

Почетокот на проектот беше означен со церемонија на која присуствуваа Маск и официјални претставници од локалните власти.

Во новата фабрика ќе се произведуваат возилата од моделот „тесла 3“, а капацитетот што се најавува е 500.000 возила годишно.

Маск очекува фабриката да биде изградена во рекордно време и со производство на првите модели да се почне кон крајот на оваа година.

Отворањето на новите погони се случува во ек на економските несогласувања меѓу САД и Кина околу царинските давачки. Со фабриката на кинеска територија, очекувањата во „Тесла“ се дека продажбата на нивните возила нема да зависи од царинската политика меѓу двете земји.

XS
SM
MD
LG