Линкови за пристапност

Никола Груевски осуден на две години затвор за набавката на луксузниот „мерцедес“


Секој носител на јавна функција треба да знае за принципот на отчетност, а граѓаните мора да знаат како се трошат нивните пари. Никој не смее да ги омаловажува граѓаните на начин на кој тоа го сторил Груевски“, рече судијата Добрила Кацарска пред да ја соопшти пресудата.

Поранешниот премиер и лидер на ВМРО-ДПМНЕ Никола Груевски, е прогласен за виновен во случајот на Специјалното јавно обвинителство (СЈО) познат во јавноста како „Тенк“ кој се однесува на набавката на луксузниот блиндиран „мерцедес“ и осуден на две години затвор. Поранешниот помошник министер во МВР Ѓоко Поповски, првообвинет во случајот, исто така беше прогласен за виновен и осуден на шест ипол години затвор.

Груевски беше обвинет за примање награда за противзаконско влијание, додека Поповски за злоупотреба на службената положба и овластувања. Во овој случај, на обвинителната клупа беше и поранешната министерка за внатрешни работи Гордана Јанкулоска, на која поради ризична бременост и е раздвоена постапката и ќе и се суди одвоено.

Според Кривичниот закон за делото за примање награда за противзаконско влијание, е пропишана затворска казна од една до три години.

Во завршните зборови, на минатото рочиште, Груевски рече дека станува збор за политички мотивиран процес кој претстваува класична хајка против него и неговите соработници.

Судијката Добрила Кацарска образложувајќи ја пресудата, цитираше делови од прислушуваните разговори и истакна дека Груевски побарал од Гордана Јанкулоска да спроведе јавна набавка за мерцедесот, а таа пак го потикнала Ѓоко Поповски да ја фаворизира компанијата „Мак Ауто Стар“ од каде е набавено возилото вредно 580 илајди евра.

Груевски не беше во судницата при изрекувањето на пресудата, а неговите адвокати немаа одговор каде е во моментот.

Тие најавија жалба на пресудата до повисоките судски инстанци. На Груевски му е одземена патната исправа уште во текот на истрагата за да се спречи негово евентуално бегство од државата.

Груевски е обвинет во уште четири случаи кои го води СЈО - „ТНТ“ односно рушењето на зградата „Космос“, „Траекторија“ за избор на фирма која ќе го гради автопатот Охрид-Кичево и Миладиновци-Штип, „Титаник“ за нарушување на изборниот процес и за насилствата пред општина Центар.

Додека се изрекуваше пресудата пред Кривичниот суд се собраа педесетина негови приврзаници кои гласно негодуваа на пресудата.

Facebook Forum

XS
SM
MD
LG