Линкови за пристапност

150.000 граѓани веќе го дадоа својот глас


Macedonia elections turnout 10h
Macedonia elections turnout 10h

Од она што може да се види на терен, на избирачките места има голем одзив уште во раните утрински часпови кои по правило се резервирани за пензионерите.

Ова го потврдува и извештајот на Државната изборна комисија (ДИК) од каде соопштија дека до 10 часот својот глас го дале над 150 илјади гласачи. Излезноста е најголема во изборната единица 3 - 11,36 отсто а најмала во шестата изборна единица каде до 10 часот своето право на глас го оствариле 5,10 отсто односно 15.680 граѓани.

Досега нема извештаи за некои посериозни проблеми а според МОСТ гласањето доцнело во две избирачки места и откриени се неколлу случаи каде гласачите го фотографирале своето ливче.

Според најавите лидерите на партиите и носителите на кандидатските листи набрзо ќе излезат на гласање.

Гласањето за предвремените парламентарни избори се одвива во шест изборни едионици на 3480 избирачки места и ќе трае до 19 часот.

На изборите учествуваат коалицијата „За подобра Македонија„ предводена од ВМРО-ДПМНЕ, Коалицијата „За живот во Македонија“ предводена од СДСМ,Коалицијата „ВМРО-За Македонија“, Демократската партија на Албанците (ДПА), Демократската унија за интеграција (ДУИ),Коалицијата „За промени и правда“ предводена од Демократскиот сојуз, Партијата за демократски просперитет (ПДП), коалицијата Алијанса за Албанците, Либералната партија (ЛП), БЕСА и Левица.

Во избоирачкиот список се запишани 1.784.416 полнолетни државјани на Република Македонија, од кои 230.122 лица се издвоени во посебен извод од списокот.

Број на гласачи по изборни единици -ИЕ 1: 295.948; ИЕ 2: 306.471; ИЕ3: 280.727; ИЕ 4: 282.537; ИЕ 5: 290.433; ИЕ 6: 307.817 гласачи.

Изборите ги следат 7.585 домашни и 667 странски набљудувачи. ОБСЕ ќе мониторира со 281 а Амбасадата на САД има 51 набљудувач. Граѓанската асоцијација „Мост“ е присутна на терен со 3.000 набљудувачи. Од оваа асоцијација упатија апел до граѓаните да пријават каква било неправилност на бројот 080 080 080.

XS
SM
MD
LG