Линкови за пристапност

Европската сонда се упати кон црвената планета


Европската вселенска агенција очекува дека експериментална сонда во средата ќе слета на Марс

Контролата на мисијата во Германија со аплауз ја пречека веста за успешното одделувањето на сондата Шиапарели од главното летало Trace Gas Orbiter, како што беше планирано по седум месеци, и 496 милиони километри долгиот лет од земјата.

Шиапарели ќе направи слики и ќе изврши научни мерења на површината Марс, но главната цел е да изврши тестирање на новата технологија наменета за идниот европски ровер на Марс.

Во меѓувреме, Trace Gas Orbiter ќе остане во орбитата, и ќе го анализира метанот и другите гасови во атмосферата на Марс за да одреди дали постои живот на планетата.

Двете летала беа лансирани во Март, и се дел од ЕксоМарс мисијата, заеднички проект на Европската вселенска агенција и руската агенција Роскосмос.

XS
SM
MD
LG