Линкови за пристапност

Нуклеарен самит: во фокусот Исламската држава и Северна Кореја


Претседателот на САД Барак Обама се обрати пред светските лидери на крајот на вториот и последен ден од Самитот за нуклеарна безбедност во Вашингтон.

Тој кажа дека договорот за иранската нуклеарна програма „постигнал значаен успех и бил фокусиран на намалување на опасноста од нуклеарна пролиферација на вистински начин.“

Зборувајќи на собирот на лидерите П5+1 тој повтори дека за „целосната имплементација“ на договорот потребна е целосна соработка од меѓународната заедница.

Тој вчера изјави дека по терористичките напади како оној во Брисел, „не е само голема итноста околу нуклеарното прашање, туку и целосно елиминирање на злото на тероризмот“.

Четвртиот и последен нуклеарен самит се случува во време на зголемена загриженост во врска со можноста Исламската држава да направи радиоактивни бомби, како и за развојот на нуклеарно оружје во Северна Кореја.

Во Стејт департментот на министерската вечера, американскиот државен секретар Џон Кери изјави дека имало моменти кога напредокот во нуклеарната безбедност бил бавен и останува „многу повеќе да се направи. Но секој чекор напред е чекор подалеку од опасноста.

XS
SM
MD
LG