Линкови за пристапност

Обама го оддложи повлекувањето од Авганистан


Американскиот претседател оваа го соопшти откако Талибан го прошири влијанието во земјата, во спротивност на очекувањата на САД.

Говорејќи во Белата куќа, Обама изјави дека ќе ги задржи сегашните 9800 војници во земјата во текот на поголемиот дел во 2016-та година, пред да го намали бројот до 5500 во време кога тој ќе ја напушти функцијата на почетокот на 2017-та година.

Тој кажа дека американската мисија во Авганистан ќе продолжи да биде на две нивоа: обука на авганистанските сили и спроведување на операции за борба против тероризмот. Кажа и дека авганистанската армија сеуште не е толку силна како што би требало да биде и дека по талибанските придобивки во руралните средини тие можат да продолжат со напади и во урбаните области. Според него безбедносната ситуација во клучните области на земјата и понатаму е мошне кревка и постои ризик за натамошно влошување.

Обама минатата година вети дека ќе ги повлече сите американските сили од Авганистан до крајот на 2016-та година, со исклучок на мал контингент од 1.000 војници стационирани во американската амбасада во Кабул. Тогаш кажа дека е време САД да "свртат нова страница" во војната која ја започнаa во 2001-та година, како одговор на терористичките напади врз САД.

Во меѓувреме Талибан истакна дека американската "окупација" на Авганистан треба да се заврши "во сите форми и треба да се воспостави исламска влада" без странско мешање во внатрешните работи на земјата.

Групата го критикуваше планот на САД и НАТО партнерите да ја продожат постоечката воена мисија во Авганистан до 2016-та.

Официјални лица велат дека ревизијата се случува по неколкумесечни консултации помеѓу Белата куќа, раководството на Пентагон, командантите на теренот и авганистански официјални лица. Одлуката доаѓа откако авганистанските сили накратко ја загубија контролата врз северниот град Кундуз од талибанските милитанти.

Останатите 5.500 американски војници ќе бидат стационирани во Кабул, Баграм, Џалалабад и Кандахар.

XS
SM
MD
LG