Американскиот државен секретар Џон Кери изложи далекусежна и долгорочна стратегија за спротивставување на насилничкиот екстремизам.
Зборувајќи пред лидерите на Светскиот економски форум во Давос, Швајцарија, во петок, Кери повика на „холистички“ приод што вклучува одговорно управување, како и економско, политичко и образовно зазасилување за сите.
Највисокиот американски дипломат ги нагласи напорите на меѓународната коалиција што се бори со милитантите на Исламската држава во Ирак и Сирија. Но тој додаде дека борбата е поголема од само онаа армијата против Исламската држава.
Кери кажа дека во наредните недели, светот мора да работи да ја зајакне безбедноста и стабилноста во Јемен, Северна Африка, Сомалија и Нигерија, соопштувајќи дека тој ќе оди во Нигерија наредните денови.
Тој кажа дека борбата против насилничкиот екстремизам нема на крајот да биде решена на бојното поле, туку во училниците и религиозните центри, како и со креирање нашироко споделен просперитет.
Кери посочи на самитот следниот месец во Вашингтон, чиј домаќин ќе биде претседателот Обама, како форум за натамошно градење на заедничка стратегија.