Линкови за пристапност

САД воведуваат правила за броење на калориите


Во борба против прекумерната тежина, американската Администрација за храна и лекови нареди објавување на бројот на калориите на менијата.

Американската влада соопшти нови правила што бараат синџирите на ресторани и кино сали низ државата да постираат информација за бројот на калории на нивните менија.

Наредба од Администрацијата за храна и лекови вели дека сите објекти кои продаваат подготвена храна и имаат повеќе од 20 локации, мора да имаат информација за бројот на калории во нивната храна и пијалоци, објавена видливо на нивните менија, табли и други места. Компаниите имаат една година да се прилагодат на барањето.

Администрацијата вели дека Американците конзумираат една третина од нивните калории надвор од дома.

Многу здравствени експерти веруваат дека се` поголемите оброци и нездрави состојки биле значителен фактор за прекумерната тежина во САД.

XS
SM
MD
LG