Најмалку 42 сириски војника загинале во вчерашниот израелски воздушен напад врз голем армиски комплекс во близина на Дамаск, јави активистичката организација Сириска опсерваторија за човекови права, чие седиште е во Британија.
Бројката се базира на информации од извори во сириските армиски болници, наведува организацијата.
Сириската влада се` уште го нема објавено бројот на жртви. Веднаш по нападот извршен в зори, сириските државни медиуми соопштија дека во нападот има загинати, но не дадоа детали.
Според анонимни разузнавачки извори на Блискиот Исток, мета на израелскиот напад биле мошне прецизните, теледиригирани проектили Фатах-110, испратени од Иран, а чувани во складиште на Меѓународниот аеродром во Дамаск. Наводно, тие требало да завршат во рацете на милитантната група Хезболах, чие седиште е во Либан, за напади против Израел.
Израелскиот парламентарец Цачи Ханегби, кој е близок на израелскиот премиер Бенјамин Нетанјаху, не потврди дека зад нападите стои Израел, но денес изјави дека доколку Израел дејствувал, тоа било насочено против Хезболах, а не Сирија.
Бројката се базира на информации од извори во сириските армиски болници, наведува организацијата.
Сириската влада се` уште го нема објавено бројот на жртви. Веднаш по нападот извршен в зори, сириските државни медиуми соопштија дека во нападот има загинати, но не дадоа детали.
Според анонимни разузнавачки извори на Блискиот Исток, мета на израелскиот напад биле мошне прецизните, теледиригирани проектили Фатах-110, испратени од Иран, а чувани во складиште на Меѓународниот аеродром во Дамаск. Наводно, тие требало да завршат во рацете на милитантната група Хезболах, чие седиште е во Либан, за напади против Израел.
Израелскиот парламентарец Цачи Ханегби, кој е близок на израелскиот премиер Бенјамин Нетанјаху, не потврди дека зад нападите стои Израел, но денес изјави дека доколку Израел дејствувал, тоа било насочено против Хезболах, а не Сирија.