Линкови за пристапност

Обвинителот од Њујорк го отфрли барањето на републиканците за истражни документи на Трамп


Обвинителот на Њујорк денеска го отфрли барањето на конгресните републикански законодавци да ги предаде документите поврзани со неговата истрага за исплата на 130.000 долари на порно ѕвездата од страна на поранешниот претседател Доналд Трамп пред изборите во 2016 година за да ја замолчи за аферата за која таа тврди дека ја имала со Трамп.

Канцеларијата на окружниот обвинител на Менхетен, Алвин Брег, претходно оваа недела го нападна барањето на тројца претседатели на комитети во Претставничкиот дом како „незаконски упад во суверенитетот на Њујорк“. Тројцата пратеници - Џим Џордан, Џејмс Комер и Брајан Стил - ја нарекоа истрагата на Брег против Трамп „невидена злоупотреба на овластувањата на обвинителството“.

Генералниот советник на Брег, Лесли Дабек, им рече на пратениците дека нивното писмо „дојде само откако Доналд Трамп предизвикал лажни очекувања дека ќе биде уапсен во вторникот и неговите адвокати, наводно, ве повикале да интервенирате. Ниту еден факт не е легитимна основа за конгресна истрага“.

„Ако големата порота покрене обвинение против Доналд Трамп, Канцеларијата на Окружното обвинителство на Менхетен ќе има обврска, како и во секој случај, да обезбеди значителен број откритија од своите досиеја на обвинетиот за да може да подготви одбрана“, напиша Дубек.

Претседателите на републиканските комитети му рекоа на Брег: „Наводно, ќе се вклучите во невидена злоупотреба на овластувањата на обвинителството: обвинението за поранешен претседател на Соединетите Американски Држави“.

Трамп не е обвинет во случајот, иако истрагата на големата порота продолжува.

Истрагата делумно се фокусира на деталите за уплатата на Даниелс и дали трансакцијата претставува кривично дело. Доколку биде обвинет, Трамп ќе биде првиот американски претседател кој бил обвинет за кривично дело.

Трамп ја објави својата намера во републиканската партија за претседателска номинација во 2024 година пред неколку месеци и рече дека ќе продолжи да води кампања дури и ако биде обвинет за кривично дело. Бројни национални анкети го покажуваат како фаворит за републиканската номинација, иако неколку други републиканци или најавија свои кандидатури или рекоа дека сериозно размислуваат да се вклучат во трка против Трамп.

Трамп редовно ја критикуваше истрагата во Њујорк како политички лов на вештерки и го нарече Брег, кој е Афроамериканец, „расист“.

Трамп двапати беше отповикан за време на неговото претседателствување, еднаш во 2019 година поради неговото однесување барајќи од Украина да го истражи тогашниот кандидат Џо Бајден пред претседателските избори во 2020 година, и повторно во 2021 година поради нападот врз Конгресот на САД од страна на неговите поддржувачи. Двата пати беше ослободен од Сенатот.

Некои материјали во овој извештај се од Асошиетед прес.

XS
SM
MD
LG