Претседателот на САД се среќава со советници за имиграциони прашања и виши членови од неговиот Кабинет во обид да се најде решение за напливот на мигранти од Централна Америка коишто доаѓаат од Мексико на југозападната граница со САД.
SEE ALSO: Бајден до мигрантите од Централна Америка: „Останете дома“Џо Бајден се најде под зголемена критика од републиканците, но и некои демократи во Конгресот за да одговори што прави за бранот мигранти од Гватемала, Хондурас и Ел Салвадор коишто од Мексико одат масовно, во правец на САД.
Бајден ги повика мигрантите да останат дома, но, илјадници минуваат стотици километри да стасаат до мексиканско-американската граница.
Тој најави повеќе одговори за кризата со мигрантите на првата формална прес-конференција од почетокот на мандатот, закажана за денеска.
САД во моментов ги протеруваат возрасните и семејствата назад во Мексико, но ги прифаќаат и ги сместуваат во прифатни Центри, по повеќе од 500 деца – малолетници дневно, кои непридружувани пристигнуваат на јужната граница.