Како е да се биде жена, во дипломатскиот кор во Вашингтон, како вршителка на должноста, амбасадорка на Северна Македонија во САД? Дипломатката Вилма Петковска објаснува за Гласот на Америка.
„Кога работам, не размислувам за себе како жена, размислувам за личност и професионалец, којшто мора точно да ги пренесе пораките во двата правци“, вели Петковска.
„Да се биде жена-дипломат е голема одговорност и чест, но секогаш сум била против да се употребува жената како квота“, коментира таа.
„Упатувам порака од Вашингтон до сите жени, да работат вредно, да бидат мотивирани, да работат на себе и без комплекси да ја градат својата кариера, затоа што одамна светот, не е поделен на машки и женски работи“, порача Петковска.