Украина во понеделникот соопшти дека Русија употребила 24 беспилотни летала за да ги нападне регионите на Миколаев и Одеса во текот на ноќта, покрај тоа што истрелала 17 крстосувачки ракети кон Украина.
Украинската војска соопшти дека соборила 18 руски беспилотни летала и сите проектили.
Олех Кипер, регионалниот гувернер на Одеса, рече дека областа Измаил, во која се наоѓаат пристаништата што се користат за извоз на жито, повторно е нападната и дека бил погоден рекреативен објект во градот Вилкове. Нема извештаи за жртви.
Во Миколаев, регионалниот гувернер Виталиј Ким рече дека паѓањето на остатоци предизвикало пожар во зграда, додека бранот од експлозија оштетил други згради во близина.
Според регионалниот гувернер Олександр Прокудин, во руски напад во областа Керсон повредени се најмалку четири лица.
Прокудин рече дека руските сили намерно нападнале преполна автобуска станица во градот Берил.
Украинската заменик-министерка за одбрана Хана Малиар во понеделникот изјави дека украинските сили повторно зазеле два квадратни километри територија од руските сили во областа Бахмут, како и повеќе од пет квадратни километри во јужна Украина.
Некои информации за оваа содржина дојдоа од Асошиетед прес, агенцијата Франс прес и Ројтерс