Високи американски и кинески претставници ја нагласуваат соработката додека почнуваат со дводневните годишни разговори во Пекинг, во среда.
На церемонијата на отварањето на годинешниот „Стратешки и економски дијалог“ претседателот Ши Џинпинг кажа дека конфронтацијата меѓу САД и Кина „дефинитивно би била катастрофа“.
Таквото расположение беше и кај државниот секретар Џон Кери и секретарот за финансии Џек Лу, кои ја водат американската делегација.
Кери кажа дека САД не се обидуваат да ја изолираат Кина, туку се надева дека државата ќе стане „мирна, стабилна и просперитетна“ и дека ќе придонесува за регионалната стабилност.
Вакви помирувачки јавни изјави се стандардни за годишните разговори. Но на приватните средби, двете страни се справуваат со предизвиците на билатералните релации.