Официјални лица во украинскиот регион Миколаев денеска соопштија дека во руски ракетен напад загинало најмалку едно лице, а 16 се повредени.
Гувернерот на Миколаев, Виталиј Ким, на Телеграм наведе дека нападот оштетил инфраструктурен објект, ресторан и трговски области, како и станбени згради.
Пресретнувањата на дроновите се случиле над регионите Черкаси, Чернихив, Кировохрад, Киев, Миколаев, Одеса и Полтава, соопшти украинското воздухопловство.
Руското Министерство за одбрана денеска соопшти дека уништило украински беспилотни летала над регионите Белгород, Курск и Тула.
Гувернерот на Белгород, Вјачеслав Гладков, изјави дека експлозивната направа фрлена од дрон удрила во станбена зграда и повредила едно лице.
Генералниот секретар на НАТО вчера рече дека Алијансата ќе продолжи да ја поддржува Украина, и покрај заканите од Русија.
Говорејќи во мисијата на НАТО во Украина во Визбаден, Германија, Марк Руте рече дека пораката за рускиот претседател Владимир Путин „е дека дека ќе направиме сѐ што е потребно за да се осигураме дека тој нема да го постигне својот пат. Дека Украина ќе победи“.
НАТО Алијансата е „најсилниот воен сојуз во светската историја, која служи на една милијарда луѓе“, рече Руте. Ние сме подготвени да се спротивставиме на секоја закана. Никогаш нема да бидеме исплашени од нашите противници“.
Вчера беше прва посета на Руте на мисијата во Украина позната како НАТО безбедносна помош и обука за Украина, која на крајот ќе ја преземе координацијата на западната воена помош за Украина.
Украинскиот претседател Володимир Зеленски во своето вчерашно обраќање рече дека Службата за надворешно разузнавање и одбранбеното разузнавање на Украина доставиле „прилично детален“ извештај за „намерите на Русите за есен и зима“ за нивната континуирана инвазија на Украина.
Извештајот вклучува откритија за вмешаност на Северна Кореја во војната и односите на Русија со другите земји кои „за жал, инвестираат во продолжување на војната“.
Претседателот на Украина Зеленски предупреди дека „кој и да ѝ помогне на Русија, ние ќе одговориме строго колку што е потребно за да ја одбраниме Украина“. „Ќе има соодветна работа со нашите партнери за да се осигураме дека намерите на Русија нема да функционираат“.
Зеленски додаде дека оваа недела „Украина ќе им ја претстави на сите наши партнери во Европа нашата стратегија за принудување на Русија да ја доведе оваа војна до праведен крај“. Стратегијата, позната како „план за победа“, сѐ уште необјавена во јавноста.
Дел од информациите за овој извештај се од агенцијата Франс прес и Ројтерс.