Рускиот пилот на хеликоптер Максим Кузминов пребегнал во Украина во август 2023 година. Се преселил во Шпанија и започнал нов живот под лажен идентитет.
Минатиот месец, телото на Кузминов изрешетано со куршуми беше пронајдено на паркинг во јужна Шпанија.
Русија ги отфрли обвинувањата за убиството.
Но, директорот на московската надворешна разузнавачка служба го опиша Кузминов како „морална жртва“ затоа што пребегнал.
Аналитичарите предупредуваат дека убиството е најновиот пример за тоа како разузнавачките операции на Русија се зајакнати откако Европа исфрли стотици осомничени шпиони од Кремљ по целосната инвазија на Украина од страна на Русија во 2022 година.
„Европејците имаа чувство на сигурност дека руските шпиони повеќе не се таму, дека нивните способности се значително намалени. Но, проблемот е што тоа не е така во реалноста. Тие се помоќни од кога било“, вели Марина Мирон од колеџот „Кингс“ од Лондон.
Руските државни медиуми минатиот месец објавија пресретнат телефонски разговор меѓу високи офицери на германските воздухопловни сили, кои разговараа за испорака на ракети со долг дострел „Таурус“ на Украина.
Киев предупреди дека цела мрежа руски шпиони дејствува во Германија.
Француските разузнавачки служби ја истражуваат кампањата поддржана од Русија, чија цел е да се вмеша во јунските европски избори.
Франција минатиот месец предупреди дека Европа е под „информативен напад“ од Русија.
„Тие сè уште инвестираат милијарди во разузнавачки операции во Европа, развивајќи способности дизајнирани за мешање во избори; радикализација на различни општествени, етнички, религиозни групи инвестирајќи милијарди во политички послушници, кои всушност можат дури и да дојдат на власт во одредена земја“, укажува Олександер Данилик, од Институтот Обединет кралски сервис.
Аналитичарите велат дека Москва се повеќе работи од домашно тло и ги координира странските полномошници за извршување на своите операции, вклучувајќи организирани криминалци и странски државјани од политичките и деловните кругови.
Во Велика Британија, Германија, Норвешка, Полска и неколку други земји се во тек судења на осомничени шпиони кои работат за Русија.
„Не се работи за идеолошка борба. Тоа не е како комунизмот да војува против капитализмот. Авторитарните земји се обидуваат да го уништат Западот како упориште на демократијата, слободата и човековите права. За нив, ова е егзистенцијална борба“, додава Данилик.
Во меѓувреме, директорот на ЦИА, Вилијам Барнс, неодамна напиша дека незадоволството од војната во Украина претставува можност „еднаш во една генерација“ за западните разузнавачки агенции да регрутираат руски шпиони.