Судењето на 72-годишниот Американец кого Русија го обвинува дека работи како платеник за Украина ќе се одржи зад затворени врати, а пресудата ќе биде објавена следниот понеделник, објавија руските државни медиуми.
Стивен Хабард е обвинет за потпишување договор од 1.000 долари месечно со украинска единица за територијална одбрана во градот Изум во февруари 2022 година. Тој беше заробен од руските сили во април истата година и се соочува со казна од седум до 15 години доколку биде осуден.
Новинската агенција РИА соопшти дека судијата во четвртокот го прифатил барањето на обвинителот да се одржи постапката во тајност за да се осигура безбедноста на учесниците. Не беше јасно зошто обвинителот верува дека отвореното судење ќе ги доведе во опасност.
РИА соопшти дека самиот Хабард го поддржал потегот, велејќи дека не сака надворешни лица да бидат присутни. РИА претходно објави дека тој се изјаснил за виновен по обвиненијата. Друга државна агенција, ТАСС, соопшти дека пресудата ќе биде донесена на 7 октомври.
„Свесни сме за извештаите за апсење на американски државјанин. Поради ограничувањата на приватноста, не можеме да коментираме повеќе“, рече портпаролот на американската амбасада.
Обвинителите рекоа дека Хабард добил обука, оружје и муниција кога тој наводно се пријавил.
Сестрата на Хабард, Патриша Фокс и уште една роднина се сомневаат во неговото пријавено признание, велејќи дека тој имал проруски ставови и веројатно нема да фател оружје на негова возраст.
„Тој никогаш немал пиштол, поседувал пиштол, правел ништо од тоа...Тој е повеќе пацифист“, изјави Фокс за Ројтерс минатиот месец.
Хабард е еден од најмалку 10-те американски државјани зад решетки во Русија во текот на два месеци по размената на затвореници меѓу Москва и Западот на 1-ви август, ослободувајќи 24 лица, меѓу кои и тројца Американци.
Извор: Ројтерс