Измените на Законот за заштита на потрошувачите кои во вторникот беа изгласани во Собранието треба да се објават во Службен весник и потоа почнува да тече законскиот рок од 45 дена до имплементација. Правилниците за начинот како ќе се објавуваат цените ќе бидат објавени и доставени до трговците за десетина дена.
Мерките за ограничена маржа и највисока цена остануваат на сила до крајот на април. Дали и колку поевтиниле производите проверува пазарната инспекција.
„ДПИ е на терен и постапуваат. До крајот на оваа недела е предвиден надзор на над илјада трговски објекти во државата и ДПИ ќе излезе со податоци за евентуално непочитување на мерките. Ако постојат маркети кои не ја почитуваат одлуката на Владата казните се од 500 до 10 илјади евра и затварање во траење од 15 дена“, соопшти министерот за економија и труд, Бесар Дурмиши.