Месеци интензивна работа - толку долго им треба на украинските работници за да го обноват енергетскиот систем по масовниот руски напад на 22 март.
Официјалните лица велат дека 151 проектил и беспилотни летала биле истрелани во Украина тој ден.
„Русија погоди околу десет региони. Десетици енергетски објекти, главни електрани и магистрални трафостаници. Нападот беше најлош од почетокот на целосната инвазија“, посочува Володимир Кудрицки од Укренерго.
Your browser doesn’t support HTML5
Ќе бидат потребни месеци за обнова на уништената украинска енергетска мрежа
Украинските власти соопштија дека најтешка била ситуацијата во градот Харкив, каде што имало огромни прекини на електричната енергија.
„Струјата ја снема веднаш по нападот и се врати 24 часа подоцна. Имавме цела ноќ, а потоа повторно беше исклучена. Но, најлошо е кога луѓе умираат поради напади. Инфраструктурата може да се обнови“, вели Јури Панферов, жител на Харков.
Обновата на инфраструктурата ќе биде долг и сложен процес. Тоа е случај со најголемата хидроцентрала во Украина.
Ќе бидат потребни години за да се обнови една од станиците во фабриката, се срушија таванот и ѕидовитеИхор Сирота, генерален директор на Укрхидроенерго
Во моментов не функционира, откако најмалку седум руски проектили ја погодиле фабриката во нападот на 22 март.
„Ќе бидат потребни години за да се обнови една од станиците во фабриката. Се срушија таванот и ѕидовите. Поради оштетените метални и бетонски конструкции немаме пристап до моторната соба на долниот кат. Електричната дополнителна опрема е 90% уништена“, смета Ихор Сирота, генерален директор на Укрхидроенерго.
Укренерго има загуби од последниот руски напад од над 108 милиони долари. Извршниот директор вели дека ситуацијата би можела да биде полоша доколку претходно не биле преземени посебни мерки за заштита околу целите на енергетската инфраструктура.
„Имаме најмалку две нивоа на заштита: првото ниво се бариери направени од вреќи со песок. Второто ниво се специфични засолништа кои штитат од директни удари со беспилотни летала“, додава Кудрицки.
Украинците гледаат дека поддршката од западните сојузници слабее во споредба со она што беше на почетокот на инвазијата
Но, Кудрицки вели дека оваа заштита не е доволна. Тој, заедно со украинските воени аналитичари, велат дека се потребни повеќе системи за противвоздушна одбрана.
„Треба да ги покриеме барем најголемите градови. Идеално, треба да има два ракетни система земја-воздух за секој. Тоа значи два за Днепар, два за Запорожје и два за Одеса, Лавов и Харкив“, посочува Олександер Мусиенко од Центарот за воени студии.
Рускиот терор е можен само сега затоа што немаме доволно модерни системи за воздушна одбранаВолодимир Зеленски, Украински претседател
Највисоките украински функционери, почнувајќи од претседателот, постојано се залагаат за континуирана воена помош од западните сојузници, истакнувајќи ја итната потреба од зајакнати системи за противвоздушна одбрана.
„Рускиот терор е можен само сега затоа што немаме доволно модерни системи за воздушна одбрана, со други зборови, искрено, затоа што нашите партнери немаат политичка волја да ги обезбедат. Сите тие точно знаат што се бара и кој може да донесе животоспасувачки одлуки“, рече Володимир Зеленски, украинскиот претседател.
Украинците гледаат дека поддршката од западните сојузници слабее во споредба со она што беше на почетокот на инвазијата.
Пакетот помош од 60 милијарди долари за Украина помина во Сенатот на САД во февруари, но е закочен во Претставничкиот дом.
Неговата иднина е неизвесна бидејќи анкетите на јавното мислење покажуваат дека американските гласачи се фокусираат на други прашања, освен Украина, во текот на оваа изборна година.