Републиканскиот претседателски кандидат Доналд Трамп го избра 39-годишниот сенатор од Охајо Џеј-Ди Венс за кандидат за потпретседател, на првиот ден од Републиканската национална конвенција во Милвоки.
Во објавата на Truth Social, Трамп изјави дека Венс е личноста која е „најпогодна“ да ја преземе потпретседателската функција.
Политичкиот идентитет на Венс се фокусира на неговите врски со регионот Раст Белт во САД, а неговите популистички чувства се усогласуваат со апелот на Трамп до белата работничка класа.
„Од опциите што ги имаше на располагање поранешниот претседател Трамп, сенаторот Венс беше тој што е веројатно најтесно поврзан со МАГА и филозофијата на претседателот Трамп“, вели Џоел Голдстин, потпретседателски историчар.
Потпретседателскиот исторчар Џоел Голдстин вели дека изборот е необичен со оглед на тоа што повеќето избори за потпретседател се обид да се допре до гласачите надвор од нивната постоечка база, наместо до оние кои веќе се во неа.
„Мислам дека она што се надева претседателот Трамп е дека ќе помогне да се поттикнат некои гласачи да гласаат кои инаку нема да гласаат, дека ќе им се допадне на луѓето кои имаат слично потекло како на сенаторот Венс“, вели Голдстин.
Венс стана познат во 2016 година со своите мемоари „Хилбили елеџи“ во кои се опишани сиромаштијата додека бил дете и индустрискиот и економскиот пад на неговиот роден град Мидлтаун, Охајо.
Родителите на Венс се развеле рано во неговото детство, а тој бил воспитан главно од неговите баба и дедо, како што неговата мајка се борела со зависност од дрога.
Пријавувајќи се во Маринскиот корпус по средното училиште, Венс продолжил и дипломирал на Државниот универзитет на Охајо и Правниот факултет Јеил.
Работел во Сан Франциско за претприемачот од Силиконската долина Питер Тиел, кој, исто така, донирал 10 милиони долари за Комитетот за политичка акција, поддржувајќи ја кандидатурата на Венс за Сенат.
Поранешен критичар на Трамп, Венс еднаш рече дека поранешниот претседател е „за осуда“ и го нарече „Американскиот Хитлер“.
Оттогаш тој стана цврст поддржувач и застапник на Трамп, но е најмалку искусен од кандидатите за потпретседател на Трамп.
„Мислам дека вниманието што ќе се посвети на прашањето за работата на претседателот, и поради возраста на претседателските кандидати и поради неодамнешниот обид за атентат на претседателот Трамп, ќе покрене прашања кај некои гласачи во врска со подготвеноста на сенаторот Венс да биде претседател на првиот ден, имајќи предвид дека сенаторот Венс има релативно мало искуство на високи владини позиции“, додава Голдстин.
И во сè повеќе поделената политичка средина, додека Трамп повикува на единство низ целата земја. До кој степен неговиот кандидат ќе помогне да се залечат или да се додадат поделбите, останува да се види.
Неколку часа по обидот за атентат врз Трамп, Венс ја обвини реториката на кампањата на Бајден како причина.