Автопроизводителот Нисан вели дека нивната фабрика во Британија ќе стане трета локација на која ќе се произведува новиот електричен автомобил од оваа јапонска компанија.
Автомобилот, кој ќе вози на батерии и нема да ја загадува атмосферата, се вика Лиф, и исто така ќе се произведува во фабрика во САД и во Јапонија.
Нисан најави дека Лиф ќе биде првиот достапен електричен автомобил во светот за масовно производство, но се` уште не е објавено колку ќе чини.
Производството ќе почне до крајот од годинава во Јапонија, во 2012-та во САД, а во 2013-та во фабриката на Нисан во Сандерленд, Англија.
Британија е погодена со висока стапна на невработеност и одлуката на Нисан ќе помогне да се обезбедат работни места за повеќе од 2.000 работници во фабриката во Сандерленд.